དྲི་བ། འདོད་སྤད་ལོག་སྤད་ཟེར་མི་འདི་ག་ཅི་ས?
If you cannot view the above video, you can instead download it.
འདོད་སྤད་ལོག་སྤད། ན་ལོན་ ཡང་ན་ དབང་ཚད་ཅན་གྱི་མི་ངོམ་ཚུ་གིས་ ཨ་ལོ་འདོད་སྤད་ཀྱི་བྱ་ངན་ནང་འབྲེལ་གཏོགས་ འབད་བཅུག་མི་ལུ་འདོད་སྤད་ལོག་སྤད་ཟེར་སབ་ཨིན། དཔེར་ན་ དབང་བཙོང་འདོད་སྤད་དང་ ལོ་ན་མ་སྨིན་མི་དང་དབང་ བཙོང་གཉེན་སྦར། འདོད་སྤད་ཉེས་བཀོལ། ཚུལ་མིན་ཐོག་འདོགས་པ། ཨ་ལོ་ཚུ་ལུ་ཁ་ཁམས་ལོག་སི་སི་སབ་ནི་ དེ་ལས་ འདོད་སྤད་ཀྱི་གློག་བརྙན་སན་ནི་ལ་སོགས་པ་ལུ་གོཝ་ཨིན།
དྲི་བ། འདོད་སྤད་ལོག་སྤད་དེ་ག་དེ་འབད་ངོས་འཛིན་འབད་ནི་ས?
འདོད་སྤད་ལོག་སྤད་ཀྱི་རགས་མཚན།
- ཚད་ལས་བརྒལ་ཏེ་བརྩེ་གདུང་བསྐྱེད་པ།
- ལོ་ཚད་དང་མ་བསྟུན་པའི་འདོད་སྤད་སྐོར་ལས་ཤེས་པ།
- གསོ་བའི་འཕད་བསྟེན་དང་འབྲེལ་བའི་དཀའ་ངལ་དཔེར་ན་ ཡུན་རིངམོ་གི་གཡའ་ནད་དང་ན་ཟུག་ གཟུགས་ལས་ཁུ་བ་ འཐོན་ནི་ མཚན་མ་ལས་ཁྲག་འཐོན་ནི།
- སེམས་ནད།
- རང་སག་གཅད་ནིའི་དཔའ་བཅམ་ནི།
- ཆུང་ཀུ་བསྒང་གི་བྱ་སྤད་ལོག་འབད་ནི། དཔེར་ན་ ཨམ་མཐེ་བོང་འཇིབ་ནི་ལ་སོགས་པ།
- གློ་བུར་དུ་ཟ་ཁམས་བཀག་ནི་ ཡང་ན་ བཞེས་སྒོ་ལེ་ཤ་ཟ་ནི།
- རང་རྐྱངམ་གཅིག་སྦེ་སད་ནི།
- སེམས་རྩེ་གཅིག་ལུ་གནས་མ་ཚུགས་པ།
- ལེགས་ཤོམ་སྦེ་ངོ་ཤེས་མི་ལུ་འདྲོག་ནི་ ཡང་ན་ བ་གཏད་མ་ཚུགས་པ། • འདོད་སྤད་ལས་སྤེལ་བའི་ནད་གཞི་དང་ ཨ་ལུ་ཆགས་པ།
དྲི་བ། འདོད་སྤད་ལོག་སྤད་སྔོན་འགོག་དང་གདོང་ལེན་འབད་ནིའི་དོན་ལུ་ག་ཅི་འབད་དགོ?
ངོ་རྐྱང་གི་གནས་ཚད་ནང།
ཨ་ལོ་དང་གཞོན་སྐྱེས་ཚུ་གིས་་་་་་་་་
- བ་གཏད་ཚུགས་པའི་མི་ལུ་སབ་དགོ།
- ནམ་ར་འབད་རུང་ མི་བཏུབ་ མི་འབད་ཟེར་སབ་པར་ཁྱད་མེད། དཔེར་ན་རང་ལུ་ལེགས་ཤོམ་ འབད་མི་ལུ་སབ་རུང།
- རྒྱལ་ཡོངས་ཨམ་སྲུང་དང་ཨ་ལོའི་ལྷན་ཚོགས་དང་ ཨམ་སྲུའི་ཆ་བཞག་དང་ལྕོགས་གྲུབ་ཡར་ བསྐྱེད་ལས་སྡེ་ དེ་ལས་ ན་གཞོན་ལམ་སན་ལ་སོགས་པའི་ འབྲེལ་ཡོད་ལས་སྡེ་ཚུ་དང་གཅིག་ ཁར་འབྲེལ་བ་བཞག་དགོ།
- ཨ་ལོའི་དོན་ལུ་ཡོད་པའི་ད་ལྟོའི་ འབྲེལ་ཡོད་སྲིད་བྱུས་དང་ ཐོབ་དབང་ཚུ་གི་སྐོར་ལས་ཤེས་ དགོ།
- གྲོགས་རམ་གྱི་དོན་ལུ་ ཨམ་དང་ཨ་ལོའི་གྲོགས་རམ་རྒྱུན་ལམ་༡༠༩༨ དང་ འབྲུག་གི་འགག་ སྡེའི་འབྲེལ་ཨང་༡༡༣ ན་གཞོན་ལམ་སན་གྱི་འབྲེལ་ཨང་༡༢༥༧ དེ་ལས་ འགྲུལ་འཕྲིན་ཨང་ ༡༧༡༢༦༣༥༣ གྱི་ཐོག་ལས་ རྒྱལ་ཡོངས་ཨམ་སྲུང་དང་ཨ་ལོའི་ལྷན་ཚོགས་ནང་འབྲེལ་བ་ འཐབ་དགོ།
ཕམ་དང་གཅེས་སྐྱོང་པ་ཚུ་གིས་་་
- རང་གི་ཨ་ལོ་ཚུ་དང་གཅིག་ཁར་མཐུན་འབྲེལ་ལེགས་ཤོམ་བཞག་སྟེ་ ལོ་ན་ཆུང་ཀུ་བསྒང་ལས་ ཉེན་སྲུང་དང་ལྡནམ་སྦེ་སད་དགོ་པའི་སྐོར་ལས་གོ་བརྡ་སྤད་དགོ།
- ཉིན་བསར་བཞིན་དུ་ དུས་ཚོད་དུམ་གྲ་རེ་སན་ཏེ་ རང་གི་ཨ་ལོ་ཚུ་ག་དེ་སྦེ་ཡོད་ག་དང་ ཁོང་ གི་སེམས་ཁར་ག་ཅི་ར་མནོ་དོ་ག་ དེ་ལས་ ཁོང་གི་ཁ་ཐུག་ལས་ ག་ཅི་སབ་ནི་ཡོད་ག་ཚུ་གིས་ སྐོར་ལས་ དྲི་དཔྱད་འབད་བ་ཅིན་ དེ་གིས་ ཨ་ལོ་དང་ན་གཞོན་ལུ་ཁོང་རའི་མནོ་མི་ཚུ་ས་ གསང་མེད་པར་སབ་ཚུགས་ནི་ལུ་ཕན་གྲོགས་འབད་འོང།
- ན་ལོན་ཚུ་གི་བར་ནའི་མཐུན་ལམ་ལུ་ ཞི་བའི་སྒོ་ལས་ ལེགས་ཤོམ་སྦེ་གནས་ཚུགས་པའི་ གནས་སངས་བཟོ་བ་ཅིན་ དེ་གིས་ ཨ་ལོ་དང་ན་ལོན་ཚུ་ལུ་གཞན་ལུ་ གུས་ཞབས་འབད་ནི་ སན་ནི་ལུ་གྲོགས་རམ་འབད་འོང།
- ཨ་ལོ་ཚུ་ལུ་ ཨ་ལོའི་འདོད་སྤད་ལོག་སྤད་ཀྱི་ཉེན་ཁ་དང་ གནོན་ཉེན་ཆེ་བའི་འདོད་སྤད་དང་ འབྲེལ་བའི་བྱ་སྤད་ཀྱི་སྐོར་ལས་ ཤེས་ཡོན་བྱིན་དགོ།
- ཨ་ལོའི་ཐོབ་དབང་གི་སྐོར་ལས་སན་དགོ།
- ནམ་ར་འབད་རུང་ཨ་ལོ་ཚུ་བདག་མེད་སྦེ་བཞག་ནི་མི་འོང།
- ད་ལྟོ་ཡོད་པའི་ཨ་ལོའི་ཐོབ་དབང་སྲིད་བྱུས་ཚུ་ཧ་གོ་དགོ།
- སབ་གྲྭ་དང་ ཁྱིམ་ནང་ ཉེན་སྲུང་དང་ལྡན་པའི་གནས་སངས་བཟོ་དགོ།
- ཨ་ལོ་སྒྲིགས་བཙུགས་པའི་སྐབས་ གཟུགས་ཁམས་རྩུབ་སྤད་འབྲེལ་བའི་ཐབས་ཤེས་ཐོག་ བཙུགས་ནི་མི་འོང།
མི་སྡེའི་གནས་ཚད་ནང།
ཞབས་ཏོག་མཁོ་སྤད་འབད་ཨིནམ་ལས།
- ཨ་ལོ་དང་གཞོན་སྐྱེས་ཚུ་ལུ་ཉེན་སྲུང་དང་ལྡན་པའི་ས་ཁོངས་མཁོ་སྤད་འབད་དགོ། • གནོད་པ་བྱུང་མི་ཚུ་ལུ་འོས་འབབ་ཅན་གྱི་ཞབས་ཏོག་ཚུ་དུས་ཚོད་ཁར་བྱིན་དགོ།
- ཨ་ལོ་ག་ར་དང་ལྷག་པར་དུ་ གནོད་པ་བྱུང་ཡོད་པའི་མི་ཚུ་ལུ་དུས་རྒྱུན་དགོས་མཁོའི་རྒྱབ་སྐྱོར་ཚུ་བྱིན་དགོ།
- ཨ་ལོ་དང་ གཅེས་སྐྱོང་པ་ དེ་ལས་ མི་མང་ལུ་ ད་ལྟོ་ཡོད་པའི་ རྒྱབ་སྐྱོར་གྱི་ཞབས་ཏོག་དང་ གྲོགས་རམ་རྒྱུན་ལམ་ཚུ་གི་ སྐོར་ལས་ གོ་བརྡ་སྤད་དགོ།
- མི་སྡེ་ནང་དབང་ཚད་ཅན་གྱི་འཐུས་མི་ཅིག་ཨིནམ་ལས། • ག་ར་གིས་དཔྱེ་བལྟ་སའི་ཡུལ་ཅིག་སྦེ་སད་དེ་ རྩུབ་སྤད་དང་འབྲེལ་གནད་དོན་ཚུ་སྙན་ཞུ་འབད་དགོ།
- ལོག་སྤད་དང་འབྲེལ་བའི་གནད་དོན་ཚུ་ སྙན་ཞུ་འབད་དགོཔ་དང་ རྩུབ་སྤད་རྩ་མེད་གཏང་དགོཔ་ཁ་ཆེ་བའི་སྐོར་ལས་ གོ་བ་ བརྡ་དོན་འབད་དེ་མི་ཚུ་ལུ་སེམས་ཤུགས་བསྐྱེད་བཅུག་དགོ།
- ཨ་ལོ་དང་ གཅེས་སྐྱོང་པ་ དེ་ལས་ མི་མང་ལུ་ ད་ལྟོ་ཡོད་པའི་ རྒྱབ་སྐྱོར་གྱི་ཞབས་ཏོག་དང་ གྲོགས་རམ་རྒྱུན་ལམ་ཚུ་གི་ སྐོར་ལས་ གོ་བརྡ་སྤད་དགོ།
- ཆོས་ལུགས་/ལམ་སལ་གྱི་རྒྱབ་ཁུངས་ ཕོ་མོའི་དབྱེ་བ་ དེ་ལས་ མི་རིགས་ལ་སོགས་པའི་ཁྱད་པར་ཡོད་རུང་ མི་སྡེའི་འཐུས་ མི་ཚུ་ཕན་ཚུན་གུས་ཞབས་ཀྱི་ཐོག་མཐུན་ཏོག་ཏོ་སྦེ་སད་ཚུགས་ནི་ལུ་གྲོགས་རམ་འབད་དགོ།
སྤྱི་སྡེའི་གནས་ཚད་ནང།
ཁྲིམས་ལུགས་ སྲིད་བྱུས་ དེ་ལས་ སྤྱི་སྡེ་དང་ལམ་སལ་གྱི་གོམས་གཤིས། གྲོས་ཐག་གཅད་མི་ཅིག་ཨིནམ་ལས།
- སབ་གྲྭ་དང་ ཁྱིམ་ནང་ དེ་རས་ སྤ་གསེང་གི་ས་ཁོངས་ཚུ་ནང་ འདོད་སྤད་ལོག་སྤད་དང་འབྲེལ་གནད་དོན་འཐོན་པ་ཅིན་ བཟོད་བསན་མེདཔ་འབད་དགོ།
- སབ་གྲྭའི་ཁ་ཐུག་ལས་ཨ་ལོ་ཚུ་ལུ་རྩུབ་སྤད་/ལོག་སྤད་ཀྱི་དབྱེ་བ་ངོས་འཛིན་འབད་ནིའི་སྐོར་ལས་ཤེས་ཡོན་བྱིན་བཅུག་དགོ།
- ཨ་ལོའི་བདེ་སྐྱིད་གཙོ་རིམ་བཟུང་བའི་ སྲིད་བྱུང་དང་ཁྲིམས་ཀྱི་དོན་ཚན་ཚུ་བརྩམ་དགོ།
- ཨ་ལོ་དང་ གཅེས་སྐྱོང་པ་ཚུ་ གྲོས་ཆོད་བཟོ་ནི་དང་ སྲིད་བྱུས་གོང་འཕེལ་གྱི་ལས་སྣ་ནང་བཅའ་མར་གཏོགས་བཅུག་ནིའི་ སེམས་ཤུགས་བསྐྱེད་བཅུག་དགོ།
- གྲོས་ཆོད་ག་རའི་ནང་ཨ་ལོའི་བདེ་སྐྱིད་དེ་གཙོ་རིམ་བཟུང་དགོ།
- ཁྲིམས་ལུགས་དང་ སྲིད་བྱུས་ དེ་ལས་ ལས་རིམ་ཚུ་གཞི་བཙུགས་འབད་དགོ།